Propoñemos para este próximo sábado a ascensión do cumio máis salientable da comarca leonesa de Babia pico que da nome a todo o macizo no que se atopa, falamos de Peña Ubiña.
Achegarémonos ao pobo de Torrebarrio desde onde iniciaremos a ruta seguindo as marcas dun PR que nos levan primeiro por unha pista e despois por un carreiro ata o paso do Ronzón. Seguirémolas tamén de camiño ao cumio pola ladeira primeiro e despois por un divertido terreo calcario con algunha trepada sinxela e con moi pouca exposición que nos levará ao cumio de Peña Ubiña que cos seus 2.417 m móstranos unhas vistas incribles de toda a comarca, tanto da zona leonesa se miramos ao oeste como da zona asturiana mirando ao leste. Dende o cumio volveremos ao paso do Ronzón polo mesmo camiño e a Torrebarrio polos sendeiros do gando e polo monte.
Data: sábado 23 de maio de 2015
Lugar de saída: Albergue de Quiroga ás 7:00 hrs. (usaremos os nosos propios medios para o desprazamento).
Chegada (estimada): 20:30 hrs.
Disciplina: sendeirismo
Distancia aproximada: 12 km.
Desnivel acumulado aproximado (positivo e negativo): +1170 -1170
Dificultade: alta
Dirixida a: socios
Necesaria licenza ou seguro privado: si
Material necesario:
- roupa e calzado axeitados para montaña
- mochila con auga e comida
- bastóns para camiñar
- protección solar (gafas, crema solar, gorra/sombreiro…)
- roupa de recambio
Ruta sobre o mapa topográfico do IGN (premer no mapa para velo a maior tamaño, recomendable velo nun PC):
Roteiro en formato GPX (para o que queira levar a ruta no GPS): premer aquí.
A ruta en imaxes