Aproveitando a festividade do próximo venres día 1 de maio propoñemos a visita á Serra do Eixe, situada na confluencia das provincias de Ourense, León e Zamora na que tentaremos a ascensión aos tres cumios máis elevados da nosa terra.
Achegarémonos por estrada ata O Barco de Valdeorras para subir ata o alto da Fonde da Cova (situación) e desde alí colleremos a pista que leva ata a zona chamada A Cabrita (situación), onde se atopa unha canteira de pizarra. Desde alí comezaremos a camiñar cara a Pena Trevinca, cumio máis elevado de Galicia cos seus 2.127 m para volver pasando polos cumios de Pena Negra (2.121 m) e Pena Surbia (2.116 m)
Data: venres 1 de maio de 2015
Lugar de saída: Albergue de Quiroga ás 8:00 hrs. (usaremos os nosos propios medios para o desprazamento).
Disciplina: sendeirismo
Distancia aproximada: 17 km.
Desnivel acumulado aproximado (positivo e negativo): +800 -800
Dificultade: media-alta
Necesaria licenza ou seguro privado: si
Material necesario:
- calzado de monte
- roupa axeitada
- mochila con auga e comida
- bastóns para camiñar
- roupa de recambio
Inscrición: cumprimentar o seguinte FORMULARIO
Nota: a ruta cancelarase en caso de climatoloxía adversa.
Ruta sobre o mapa topográfico do IGN (premer no mapa para velo a maior tamaño):
Roteiro en formato GPX (para o que queira levar a ruta no GPS): premer aquí.