Despois da paréntese do verán retomamos as actividades no club. Nas próximas semanas temos previsto facer tres rutas, a primeira neste mes de outubro e dúas no vindeiro mes de novembro. Poremos máis información no blog no seu momento pero xa vos adiantamos que as dúas de novembro serán as seguintes:
- Sábado 7 de novembro: ascensión ao Pico Cornón (2.188 m) desde o pobo de Lumajo (Laciana).
- Sábado 21 de novembro: ascensión aos picos Valdeiglesias (2.134 m) e Lago (2.046 m) desde o pobo de Salentinos (Alto Bierzo).
Pero imos coa primeira das actividades propostas, neste caso será o vindeiro domingo 18 de outubro coa ascensión a Peña Chana desde o pobo de La Cueta.
Achegámonos de novo á espectacular comarca leonesa de Babia para facer un impresionante percorrido de montaña que nos levará a un dos picos máis emblemáticos da zona. Faremos un percorrido circular facendo a volta a La cueta polo val que se abre ao cruzar o paso da Paredina entre “Las Morteras” e os “Picos Blancos”. Este percorrido de volta é parte da ruta “Fuentes del Sil” na que poderemos gozar de impresionantes vistas.
Data: domingo 18 de outubro de 2015
Lugar de saída: Albergue de Quiroga ás 8:00 hrs. (usaremos os nosos propios medios para o desprazamento).
Chegada (estimada): 20:00 hrs.
Disciplina: sendeirismo
Distancia aproximada: 13 km.
Desnivel acumulado aproximado (positivo e negativo): +850 -850
Dificultade: media
Dirixida a: socios
Necesaria licenza ou seguro privado: si
Material necesario:
- roupa e calzado axeitados para montaña e suficiente en función das previsións meteorolóxicas
- mochila con auga e comida
- bastóns para camiñar
- protección solar (gafas, crema solar, gorra/sombreiro…)
- roupa de recambio
Ruta sobre o mapa topográfico do IGN (premer no mapa para velo a maior tamaño, recomendable velo nun PC):
Roteiro en formato GPX (para o que queira levar a ruta no GPS): premer aquí.
A ruta en imaxes