O vindeiro sábado 7 de novembro tentaremos a ascensión ao Pico Cornón (2.188 m), teito do Parque Natural de Somiedo. A ascensión a este pico pódese facer elixindo varias rutas, nesta ocasión decantámonos por unha das máis espectaculares, para iso achegarémonos á comarca leonesa de Laciana, comarca veciña doutra que xa coñecemos ben, Babia.
O comezo da ruta atópase no pobo de Lumajo, desde o pobo iremos percorrendo un val glaciar e divisaremos picos como o Muxivén (2.027 m).
Data: sábado 7 de novembro de 2015
Lugar de saída: Albergue de Quiroga ás 8:00 hrs. (usaremos os nosos propios medios para o desprazamento).
Chegada (estimada): 20:00 hrs.
Disciplina: sendeirismo
Distancia aproximada: 16 km.
Desnivel acumulado aproximado (positivo e negativo): +1.000 -1.000
Dificultade: media-alta
Dirixida a: socios
Necesaria licenza ou seguro privado: si
Material necesario:
- roupa e calzado axeitados para montaña e suficiente en función das previsións meteorolóxicas
- mochila con auga e comida
- bastóns para camiñar
- protección solar (gafas, crema solar, gorra/sombreiro…)
- roupa de recambio
Ruta sobre o mapa topográfico do IGN (premer no mapa para velo a maior tamaño, recomendable velo nun PC):
Roteiro en formato GPX (para o que queira levar a ruta no GPS ou móbil): premer aquí.
A ruta en imaxes
