Imos rematando este ano 2015, segundo ano de vida do noso club no que foron un total de 11 as actividades que se organizaron, algunhas máis preto (Devesa das Valiñas) e outras máis lonxe (ruta do Cares), visitando Somiedo ou Babia e Picos de Europa, logrando cumios tan salientables como Pena Trevinca (teito da nosa comunidade) ou Peña Ubiña. Ademais varios membros do club visitaron o Perú, país no que fixeron un percorrido pola Cordilleira Blanca e a Cordilleira Huayhuash, nesta última levaron o nome do CM Formigueiros a un cumio de máis de 5.000 m desta cordilleira Andina, o Nevado Pumarinri (5.465 m.). Así que despois de compartir aventuras durante todas estas actividades ao longo deste 2015, que mellor que finalizar o ano cunha cea que nos permitirá xuntarnos de novo, lembrar as anécdotas vividas e mesmo propoñer novas ideas para o vindeiro ano.
Data: sábado 26 de decembro de 2015
Hora: 21:30
Lugar: O Recuncho de Dino (rúa Real, 177 Quiroga)
Prezo: 15 €
Para apuntarvos só tedes que cubrir o seguinte FORMULARIO
O 26 esperámosvos a tod@s. ¡Non falledes!
